نومنتخب صدر کا کوڈرما میں شاندار استقبال

 

ملی کونسل جھارکھنڈ کے نومنتخب صد مفتی نذر توحید کو دیا گیا استقبالیہ

کوڈرما:اقرأ پبلک اسکول چھتربر  مدرسہ خادم العلوم حسن آباد مولانا آزاد اکیڈمی جھلپو کوڈرما میں ملی کونسل جھارکھنڈ کے نومنتخب صدر مفتی نذر توحید المظاہری کو استقبالیہ دیا گیا۔اس موقع پر مدرسہ خادم العلوم کے مہتمم اور کوڈرما کے قاضی شریعت مولانا وقاضی نسیم الدین القاسمی نے مفتی صاحب کی خدمات پر روزشنی ڈالتے ہوئے بتایا کہ مفتی صاحب ایشیاء کی عظیم درس گاہ مظاہر علوم میں درس حدیث دے چکے ہیں اور اس وقت جھارکھنڈ کی عظیم اور یکتا شان رکھنے والی دانش گاہ جامعہ رشیدالعلوم چترا کے شیخ الحدیث اور مہتمم ہیں،علاوہ ازیں آپ آل انڈیا مسلم پرسنل لاء بورڈ کے رکن تاسیسی،دارالقضاء کے قاضی،امارت شرعیہ بہار اڈیشہ و جھارکھنڈ کے رکن عاملہ،رابطہ مدارس کے نائب صدر،رشیدی فاؤنڈیشن کے ڈائریکٹر اور متعدد مدارس و مکاتب کے سرپرست ہیں۔ انہیں ماضی قریب کے متعدد بزرگوں کے ساتھ کام کرنے کا موقع ملا،اور ان اکابر سے ہمیشہ تعلق رہا۔فقیہ الاسلام مفتی مظفر حسین کو آپ صلاحیت و صالحیت پر کافی اعتماد تھا،چنانچہ انہوں نے آپ اپنی خلافت بھی عطا فرمائی۔ایسے ہی مظاہر علوم کی شوریٰ میٹنگوں میں مولانا سالم قاسمی بحیثیت رکن شوریٰ آپ کی رائے کی بہت قدر کیا کرتےتھے۔سابق امرائے شریعت مولانا نظام الدین اور مولانا محمد ولی رحمانی مختلف امور کی ذمہ داری آپ کو سونپتے رہے اور گاہے گاہے آپ سے حساس معاملات میں مشاورت بھی کرتے رہے۔اقرأپبلک اسکول کے ڈائریکٹر حافظ محمد مقصود نے اظہار خیال کرتے ہوئے کہ کہ معروف علمی شخصیت مفتی نذر توحید المظاہری کا ملی و سماجی امور کی انجام دہی میں نمایاں مقام ہے،ملی و سماجی خدمات کے حوالے سے وہ اپنی مخصوص شناخت رکھتے ہیں،ساتھ ہی ہندوستان بھر کی قابل ذکر تنظیموں میں جھارکھنڈ کی نمائندگی کرتے رہے ہیں،انہیں ملی مسائل کا خوب ادراک ہے،وہ کئی دہائیوں سے اس میدان میں سرگرم عمل ہیں۔چنانچہ ان کی گوناگوں خوبیوں اور تجربات سے استفادے کےلیے آل انڈیا ملی کونسل جھارکھنڈ کا منتخب کیے جانے سے ہم بہت پرامید ہیں اور توقع کرتے ہیں کہ اسلامیانِ جھارکھنڈ کےلیے یہ نیک فال ثابت ہوگا،اور ان کی قیادت میں ملی کونسل ایک مضبوط آواز اور مستحکم طاقت بن کر ابھرےگی۔اس موقع پر متعدد علماء کرام و ذمہ داران موجود تھے،جن میں قاری عبدالروف  ڈاکٹر نظام  مولانا مظفر  حافظ شفیق حافظ حفیظ اللہ صاحب  مولانا عمران مظاہری ۔کے نام خاص طور پر قابل ذکر ہیں۔