ملی کونسل جھارکھنڈ کاعہدہ صدارت

 

ملی کونسل جھارکھنڈ کاعہدہ صدارت مفتی نذرتوحید کی شخصیت و خدمات کا ایک گونہ اعتراف:مفتی ثناء اللہ قاسمی

ہزاریباغ میں دیے گیے استقبالیہ میں مولانا شکیل الرحمن سمیت متعدد علماء کا اظہارِ تہنیت

ہزاریباغ (نامہ نگار) ہزاریباغ میں ملی کونسل جھارکھنڈ کے نومنتخب صدر مفتی نذر توحید المظاہری کو استقبالیہ دیا گیا ۔ مفتی ثناء اللہ قاسمی قاضی شریعت امارت شرعیہ  دارلقضاء ہزاریباغ وسابق شیخ الحدیث جامعہ مالتی پورہ مغربی بنگال مفتی صاحب کو ہدیہ تبریک پیش کرتے ہوئے کہا کہ مفتی صاحب کا تعلق جس عظیم خانوادے ہے  پورا خطہ اور خصوصی پر متحدہ بہار ان کی احسانات سے عہدبرآنہیں ہوسکتا  مفتی صاحب کی شخصیت اسی خانوادے کے عظیم سپوت ہیں جنکی علمیت ولیاقت کی ایک دنیا مداح اور معترف ہے مفتی صاحب کی شخصیت بلاشبہ ہم سب کیلئے نعمت  عظمی کی حیثیت رکھتی ہے ہم تمام اہلیان جھع کے لیے حضرت مفتی صاحب کی صدارت باعث فرحت ومسرت ہے وہیں ہم مکمل طور پر پرامیدہیں کہ آپ کی قیادت وسیادت میں ملت کے درد کامداوا ہوگا اور ایک قوی ترین پلیٹ فارم بنے گا  جبکہ جمعیت علماء ہزاریباغ کے جنرل سکریٹری  و مدرسہ  دارالعلوم قاسمیہ  بکسپورہ ہزار یباغ کےمہتمم  جناب حضرت مولانا شکیل الرحمن قاسمی  نے مفتی صاحب کی خدمات پر روزشنی ڈالتے ہوئے بتایا کہ مفتی صاحب ایشیاء کی عظیم درس گاہ مظاہر علوم میں درس حدیث دے چکے ہیں اور اس وقت جھارکھنڈ کی عظیم اور یکتا شان رکھنے والی دانش گاہ جامعہ رشیدالعلوم چترا کے شیخ الحدیث اور مہتمم ہیں،علاوہ ازیں آپ آل انڈیا مسلم پرسنل لاء بورڈ کے رکن تاسیسی،دارالقضاء کے قاضی،امارت شرعیہ بہار اڈیشہ و جھارکھنڈ کے رکن عاملہ،رابطہ مدارس کے نائب صدر،رشیدی فاؤنڈیشن کے ڈائریکٹر اور متعدد مدارس و مکاتب کے سرپرست ہیں۔
انہیں ماضی قریب کے متعدد بزرگوں کے ساتھ کام کرنے کا موقع ملا،اور ان اکابر سے ہمیشہ تعلق رہا۔فقیہ الاسلام مفتی مظفر حسین کو آپ صلاحیت و صالحیت پر کافی اعتماد تھا،چنانچہ انہوں نے آپ اپنی خلافت بھی عطا فرمائی۔ایسے ہی مظاہر علوم کی شوریٰ میٹنگوں میں مولانا سالم قاسمی بحیثیت رکن شوریٰ آپ کی رائے کی بہت قدر کیا کرتےتھے۔سابق امرائے شریعت مولانا نظام الدین اور مولانا محمد ولی رحمانی مختلف امور کی ذمہ داری آپ کو سونپتے رہے اور گاہے گاہے آپ سے حساس معاملات میں مشاورت بھی کرتے رہے۔
  دارالفلاح للبنات پہرا کے شیخ الحدیث جناب حضرت مولانا مفتی غلام رسول صاحب قاسمی نے اظہار خیال کرتے ہوئے کہ کہ معروف علمی شخصیت مفتی نذر توحید المظاہری کا ملی و سماجی امور کی انجام دہی میں نمایاں مقام ہے،ملی و سماجی خدمات کے حوالے سے وہ اپنی مخصوص شناخت رکھتے ہیں،ساتھ ہی ہندوستان بھر کی قابل ذکر تنظیموں میں جھارکھنڈ کی نمائندگی کرتے رہے ہیں،انہیں ملی مسائل کا خوب ادراک ہے،وہ کئی دہائیوں سے اس میدان میں سرگرم عمل ہیں۔چنانچہ ان کی گوناگوں خوبیوں اور تجربات سے استفادے کےلیے آل انڈیا ملی کونسل جھارکھنڈ کا منتخب کیے جانے سے ہم بہت پرامید ہیں اور توقع کرتے ہیں کہ اسلامیانِ جھارکھنڈ کےلیے یہ نیک فال ثابت ہوگا،اور ان کی قیادت میں ملی کونسل ایک مضبوط آواز اور مستحکم طاقت بن کر ابھرےگی۔
اس موقع پر متعدد علماء کرام و ذمہ داران موجود تھے، جناب حضرت مولانا الیاس صاحب مظاہری ناظم اعلیٰ جامعہ عثمان بن عفان کھوری مہوا ونائب صدر جمعیت علماء گریڈیہہ جناب حافظ حیدر صاحب صدر مدرس مدرسہ نوراالعلوم پہرا کے نام خاص طور پر قابل ذکر ہیں۔